काठमाडौँ, प्रधानमन्त्री केपी शर्मा ओलीले स्वदेशमै उत्पादित वस्तुको प्रयोग बढाउन आग्रह गरेका छन्।
शुक्रबार नेपाल उद्योग तथा व्यवसायी महासङ्घको तेस्रो महाधिवेशन उद्घाटन गर्दै प्रधानमन्त्री ओलीले राष्ट्रिय उत्पादन र उपभोगमा जोड दिँदै देशलाई आत्मनिर्भर बनाउनुपर्ने बताए।
उनले कर्मवीरहरू असन्तुष्टि व्यक्त नगरी आफ्नो कार्यमा केन्द्रित हुनुपर्ने उल्लेख गर्दै स्वदेशी उत्पादन प्रवर्द्धनका लागि सरकार प्रतिबद्ध रहेको स्पष्ट पारे। प्रधानमन्त्री ओलीले स्वदेशी वस्तुको उत्पादन र प्रयोगमा जोड दिनु देशको आर्थिक समृद्धिको प्रमुख आधार हुने भन्दै नीति तथा योजनाहरूमार्फत उद्योग क्षेत्रलाई प्रोत्साहन गरिने बताए।
यो खबर पढेर तपाईलाई कस्तो महसुस भयो ?
तपाईको प्रतिक्रिया
