वाशिंगटन, डी.सी.— अमेरिकी राष्ट्रपति डोनाल्ड ट्रम्पले अर्को पुस्ताको लडाकु विमान विकासका लागि बोइङ कम्पनीलाई ठेक्का प्रदान गर्ने घोषणा गर्नुभएको छ। ओभल कार्यालयमा आयोजित कार्यक्रममा राष्ट्रपति ट्रम्पले नयाँ –४७ लडाकु विमान अमेरिकी इतिहासकै सबैभन्दा उन्नत, सक्षम र घातक हुने बताउनुभयो।
राष्ट्रका ४७औं राष्ट्रपति ट्रम्पले संयुक्त राज्य अमेरिकाको वायुसेना विश्वको पहिलो छैटौं पुस्ताको लडाकु विमान नम्बर ६, छैटौं पुस्ताको साथ अगाडि बढिरहेको जानकारी दिनुभयो। यो लडाकु विमानको लागत ३ सय मिलियन डलरभन्दा बढी अनुमान गरिएको छ।
राष्ट्रपति ट्रम्पले यो परियोजनाले अमेरिकी सुरक्षा र सैन्य क्षमतामा महत्वपूर्ण सुधार ल्याउने विश्वास व्यक्त गर्दै, अमेरिकालाई हवाई सुरक्षाको क्षेत्रमा अग्रणी स्थानमा राख्न मद्दत गर्ने बताउनुभयो। बोइङले आगामी केही वर्षभित्र नयाँ लडाकु विमान निर्माण प्रक्रिया प्रारम्भ गर्नेछ।
रक्षा विज्ञहरूका अनुसार छैटौं पुस्ताको लडाकु विमान अत्याधुनिक प्रविधिहरू, उच्च गति, स्टेल्थ क्षमता, र स्वचालित प्रणालीयुक्त हुनेछ। अमेरिकी वायुसेनाले यस विमानलाई आफ्नो रक्षा रणनीतिमा महत्वपूर्ण अंगका रूपमा समावेश गर्ने अपेक्षा गरिएको छ।
यस परियोजनाले अमेरिकी सैन्य क्षेत्रमा ठूलो प्रभाव पार्ने र प्रतिस्पर्धी राष्ट्रहरूसँगको रणनीतिक अग्रता कायम राख्ने उद्देश्य राखेको बताइएको छ।
यो खबर पढेर तपाईलाई कस्तो महसुस भयो ?
तपाईको प्रतिक्रिया
