काठमाडौं, – गृहमन्त्री रमेश लेखकले शिक्षा समाज रूपान्तरणको शक्तिशाली साधन भएको बताएका छन्।
शनिबार नवलपरासीको गैडाकोटस्थित वेस्टर्न एडभान्स कलेज को शैक्षिक भवनको शिलान्यास गर्दै उनले शिक्षाले समाजको परिवर्तनमा महत्वपूर्ण भूमिका खेल्ने बताएका हुन्।
गृहमन्त्री लेखकका अनुसार विश्वविद्यालयहरूको शैक्षिक र सामाजिक योगदान अझ प्रभावकारी बन्ने सम्भावना पक्का भएको छ। उनले कलेजको नयाँ भवन शिलान्यासले शिक्षाको स्तर अझ उच्च बनाउने र विद्यार्थीलाई आधुनिक शिक्षा तथा वैज्ञानिक सोचमा आधारित अध्ययनको अवसर उपलब्ध गराउने उल्लेख गरे।
उनले भने, “कलेजले केवल शैक्षिक ढाँचालाई मात्र अघि बढाउने होइन, यहाँका समुदायहरूको समग्र समृद्धिका लागि नयाँ बाटो खोल्ने अवसर पनि दिनेछ।”
नयाँ भवनले शिक्षामा सुधार ल्याउने आशा
नयाँ भवनले विद्यार्थीलाई सुविधासम्पन्न वातावरणमा अध्ययन गर्ने अवसर दिने र आधुनिक शिक्षाका नयाँ प्रविधिहरूलाई आत्मसात् गर्न मद्दत गर्ने गृहमन्त्री लेखकले बताए।
उनका अनुसार सबल शिक्षा प्रणालीले मात्र समाजको रूपान्तरण सम्भव बनाउने भएकाले यसलाई थप प्रभावकारी बनाउन राज्यको प्रतिबद्धता आवश्यक छ।
यो खबर पढेर तपाईलाई कस्तो महसुस भयो ?
तपाईको प्रतिक्रिया
