काठमाडौं – संक्रमणकालीन न्याय (TJ) प्रक्रियालाई अघि बढाउने उद्देश्यले सत्य निरूपण तथा मेलमिलाप आयोग र बेपत्ता पारिएका व्यक्तिहरूको छानबिन आयोग गठन गर्न सिफारिश समिति गठन गर्ने सहमति भएको छ। नेपाली कांग्रेस, नेकपा (एमाले) र माओवादी केन्द्रका शीर्ष नेताहरूबीच यस विषयमा सहमति जुटेको हो।
सहमति अनुसार, सरकार चाँडै सिफारिश समिति गठन गर्नेछ, जसले आयोगका पदाधिकारीहरूको नाम सिफारिश गर्नेछ। लामो समयदेखि अल्झिएको संक्रमणकालीन न्यायको प्रक्रिया टुंग्याउने उद्देश्यले तीन प्रमुख दलहरूबीच छलफल भएको थियो।
संक्रमणकालीन न्यायलाई निष्कर्षमा पुर्याउन सत्य निरूपण तथा मेलमिलाप आयोग र बेपत्ता छानबिन आयोग पुनर्गठन आवश्यक ठानिँदै आएको थियो। पीडित पक्षहरू न्यायको प्रत्याभूति चाहन्छन् भने अन्तर्राष्ट्रिय समुदायले पनि प्रक्रियालाई निष्पक्ष र विश्वसनीय बनाउन आग्रह गर्दै आएको छ।
सरकारले अब चाँडै सिफारिश समिति गठन गरी आयोग पुनर्गठनको प्रक्रिया अघि बढाउने तयारी गरेको छ।
तपाईको प्रतिक्रिया !