वि.सं. २०८२ को सुरुवातसँगै स्थानीय बजारमा सुनचाँदीको मूल्यमा गिरावट देखिएको छ। नेपाल सुनचाँदी व्यवसायी महासंघका अनुसार पछिल्लो समय सुन र चाँदी दुबैको मूल्य घटेको हो।
महासंघका अनुसार आज सुनको मूल्य प्रति तोला एक लाख ८४ हजार तीन सय रुपैयाँ कायम भएको छ। यो अघिल्लो वर्षको तुलनामा घटेको हो। विगत वर्ष सुनको मूल्य प्रति तोला एक लाख ८६ हजार रुपैयाँसम्म पुगेर कीर्तिमान कायम गरेको थियो।
त्यस्तै, चाँदीको मूल्य पनि घटेको देखिएको छ। हाल चाँदी प्रति तोला एक हजार ९४५ रुपैयाँमा कारोबार भइरहेको छ। केही समयअघि चाँदीको मूल्य एक हजार ९६० रुपैयाँ पुगेको थियो।
महासंघले मूल्य घट्नुको कारण अन्तर्राष्ट्रिय बजारमा देखिएको उतारचढाव र डलरको भाउमा आएको परिवर्तनलाई मानेको छ।
यो खबर पढेर तपाईलाई कस्तो महसुस भयो ?
तपाईको प्रतिक्रिया
