काठमाडौं — चालु आर्थिक वर्ष २०८१/८२ को तेस्रो त्रैमासमा सपोर्ट लघुवित्त वित्तीय संस्थाले उल्लेखनीय वित्तीय प्रगति हासिल गरेको छ। त्रैमासिक वित्तीय विवरणअनुसार कम्पनीको खुद नाफा अघिल्लो वर्षको सोही अवधिको तुलनामा १४८.३६ प्रतिशतले वृद्धि भई ३ करोड ६ लाख रुपैयाँ पुगेको छ। अघिल्लो वर्षको यसै अवधिमा संस्थाले १ करोड २३ लाख रुपैयाँ नाफा कमाएको थियो।
उक्त अवधिमा कम्पनीको कुल ब्याज आम्दानी ७७.४७ प्रतिशतले बढेर ८ करोड ७२ लाख रुपैयाँ पुगेको छ। सोही अनुरूप संचालन मुनाफा समेत उल्लेख्य रूपमा २४९.२७ प्रतिशतले वृद्धि भई ६ करोड ६५ लाख रुपैयाँ पुगेको छ।
सपोर्ट लघुवित्तको कर्जा प्रवाह ६.३९ प्रतिशतले वृद्धि भई हाल १ अर्ब ८४ करोड रुपैयाँ पुगेको छ। त्यस्तै, निक्षेप संकलनमा पनि २२.५० प्रतिशतको वृद्धि भई हाल ४१ करोड ५४ लाख रुपैयाँ पुगेको छ। यद्यपि, समीक्षावधिमा कम्पनीको खराब कर्जा अनुपात १.४७ प्रतिशतबाट बढेर १.६४ प्रतिशतमा पुगेको छ, जुन सामान्य रूपमा चिनिएको छ।
प्रतिशेयर आम्दानी (EPS) समेत यस अवधिमा उल्लेखनीय रूपमा वृद्धि भई १७ रुपैयाँ २८ पैसाबाट ३३ रुपैयाँ ३७ पैसामा पुगेको छ। तर, प्रति शेयर नेट वर्थ भने सामान्य रूपले घटेर १५२ रुपैयाँ ७९ पैसामा झरेको छ।
हाल कम्पनीको चुक्ता पूँजी १२ करोड २४ लाख रुपैयाँ रहेको छ भने रिजर्भ कोषमा ६ करोड ४६ लाख रुपैयाँ रहेको जानकारी प्राप्त भएको छ।
सपोर्ट लघुवित्तको यो प्रदर्शनले संस्था वित्तीय रूपले सुदृढ बन्दै गएको संकेत दिएको छ भने शेयरधनीहरूको लागि समेत आशावादी संकेत देखिएको छ।
यो खबर पढेर तपाईलाई कस्तो महसुस भयो ?
तपाईको प्रतिक्रिया
