काठमाडौं, बैशाख २३ – स्वास्थ्य तथा जनसंख्या मन्त्री प्रदीप यादवले सुदूरपश्चिमको भेरी अस्पताल र बागमती प्रदेशको भरतपुर अस्पतालमा विशिष्टकृत सेवा विस्तार गरिएको बताएका छन्। पछिल्ला दुई दिन उनी दुबै अस्पतालको अवलोकन र सेवासम्बन्धी कार्यक्रममा सहभागी भएका थिए।
उनका अनुसार काठमाडौं उपत्यकामा मात्र केन्द्रित मुटु रोग उपचार सेवा अब भरतपुर अस्पतालमा पनि सुरु गरिएको छ। सो अस्पतालमा जलन उपचार वार्ड, इन्टरभेन्सनल रेडियोलोजी (आईभीआर) सहित अन्य नौ सेवा पनि थपिएको उनले जानकारी दिए।
भेरी अस्पतालमा जलन उपचार सेवासँगै थारु समुदायमा देखा पर्ने सिकलसेल थालेसेमियाविरुद्धको निःशुल्क खोप कार्यक्रम प्रारम्भ गरिएको छ। यसअघि केही दिनअघिमात्रै सोही अस्पतालमा मृगौला प्रत्यारोपण सेवा सुरु गरिएको थियो।
यो खबर पढेर तपाईलाई कस्तो महसुस भयो ?
तपाईको प्रतिक्रिया
